నాలుకపై శ్రీరామనామ మున్నది

నాలుకపై శ్రీరామనామ మున్నది అది

వీలైన పీఠమని వీడకున్నది

సుందర మగు మంత్రమని సురలు పొగడుచు

నుందురిది శివునికృపను చెందెను నాకు

అందమైన నోటి గూట నమరి యున్నది ఆ

నందసుధాదివ్యరసస్యంది యైనది 

బహుజన్మలు తపముజేసి బడసితి దీని న

న్నహరహమును కావ నిది యవతరించెను

ముహూర్తమైన దీని మరచిపోవు టుండునా

వహించి దీని నాలుకపై పరవశించనా

అంది వచ్చిన దపురూప మైనమంత్రము శివు

డందించిన భవతారకమైన మంత్రము

ముందుముందు జన్నలెత్తు ముప్పుతప్పెను ఏ

మందు నింక మోక్ష మదే యందివచ్చెను