హరినామము మరచినచో

కం. హరినామము మరచినచో
మరి యెందుకు పుట్టినట్లు మనుజునిగా ఆ
నరజన్మము చెడి రామా
పురుగగు పులుగగును చెట్టుపుట్టువు గాంచున్

ఓ రామచంద్రప్రభూ!

మానవ జన్మం ఎత్తి హరినామాన్నే మరిచిపోతే ఎట్లా గయ్యా జీవుడు?

అసలు అటువంటప్పుడు మనిషిగా ఎందుకు పుటినట్లూ అని?

అయ్యో ఆ నరజన్మం చెడిపోతున్నదే!

మరలా వాడు ఒక పురుగుగా జన్మించవలసి ఉంటుందో

లేక

ఒక పక్షిగా జన్మించవలసి ఉంటుందో

లేక

ఒక చెట్టుగా జన్మించవలసి ఉంటుందో కదా!