మేలు మేలు మేలు మమ్మేలు రాఘవా

మేలు మేలు మేలు మమ్మేలు రాఘవా
వాలాయముగ మంచి వరములిచ్చేవు

మునులు దేవతలు నిను మొనసి పొగడుచుండ
కనుగొను భాగ్యమే కలుగుచుండ మాకు
మనసులు పులకరించి మంచిదొరవైన
నిను గూర్చి పాడు యోచన చేయగానే

యేమెఱుగని మేమును యించుక పాడగనే
రామచంద్ర నగవులు రాజిలు మోముతో
ఆమాత్రమునకె చాల ఆనందపమంది
మామీద దయలను మానక కురిసేవు

ఎల్లలోకములకు నేలిక వగు నీదు
చల్లని చూపులతో సత్వరముగ మా
కల్లన రాలిపడగ కర్మబంధములు
నల్లనయ్య బ్రహ్మానందమే మాకు