ఎంతతడవి నాతప్పుల నేమి లాభము నీకు నే
నెంతవగచి నాతప్పుల కేమి లాభము నాకు
ధనము కొరకు వెంపర తప్పనిదగు తప్పు యీ
తనువు మీద మోహము తగనిగొప్ప తప్పు
మనికి మీద ప్రేముడి మానలేని తప్పు లోక
మునకు భయపడుటే మనిషి బతుకున తప్పు
కాముకుడై యుండుటే కడు పెద్దతప్పు పెద్ద
లేమి బోధించిన వినని దెంతో గొప్పతప్పు
రామనామమును విడచి బ్రతుకుట తప్పు తాను
నీ మనిషి నని మరచుట నిక్కమైన తప్పు
ఎప్పుడు నే చేయునవే యీ తప్పులు ము
న్నెప్పడో నా కలవడినవి యీ తప్పులు
తప్పులని తెలిసి కూడ తప్పని యీ తప్పులు న
న్నెప్పటికి విడుచు రామ యీ తప్పులు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.