స్వాగతం. ధీవరుండు నిజ తేజ మెసంగన్ దేవదుందుభుల దిక్కులు మ్రోయన్ దేవసంఘములు తీయగ పాడన్ రావణాసురుని రాము డడంచెన్ |
ఈ స్వాగతం అనే వృత్తానికి పాదానికి నాలుగే గణాలు. అవి ర - న - భ - గగ. గురులఘుక్రమం UIUIIIUIIUU యత్తిస్థానం 7వ అక్షరం. పాదానికి కేవలం 11 అక్షరాలతో ఇది కూడా ఒక చిట్టిపొట్టి వృత్తం అన్నమాట.
ఈ స్వాగతవృత్తానికి ముందు మరొక గురువును చేర్చితే అది నీరాంతికం (UUIUIIIUIIUU) అవుతుంది. గురువుకు బదులుగా రెండు లఘువులను చేర్చితే అది కలహంస (IIUIUIIIUIIUU) అవుతుంది. సౌలభ్యంకోసం క్రీగీటులతో వీటిలోని స్వాగతాన్ని సూచింవాను.
ఈ వృత్తానికి పాదాంతంలో అనుప్రాసను కూర్చటం కూడా మనం చూడవచ్చును.
పింగళి సూరనగారి కళాపూర్ణోదయం ప్రబంధంలో తృతీయాశ్వాసం చివరన ఒక స్వాగతం ఇలా ఉంది:
నిర్విరామ ధరణీ భర ణాంకా
గర్వితారి జయకర్మ విశాంకా
సర్వదిక్చర విశంకట కీర్తీ
శర్వరీ రమణ సన్నిభ మూర్తీ
ఇక్కడి అంత్యానుప్రాసలను గమనించండి.
శ్రీ నేమాని సన్యాసిరావుగారి స్వాగత వృత్తం చూడండి:
మౌనివర్య! జనమాన్య చరిత్రా!
జ్ఞానసారనిధి! స్వాగతమయ్యా!
మాననీయ గుణ! మంగళదాతా!
పూని నీ పదము మ్రొక్కెద స్వామీ!
ఈ వృత్తంలో అంత్యానుప్రాసను పాటించలేదు నేమానివారు.
గమనిక: ఈ టపాశీర్షికను అపార్థం చేసుకోకండి. అందులో ఉన్న "స్వాగతం" అనే పదం ఈ వృత్తం పేరును సూచించేది మాత్రమే. ఇంత చిన్న చిన్న విషయం చెప్పాలా ప్రత్యేకంగా అనకండి. ఈ మాటను పట్టుకొని ఆవేశపడ్డ వారి అనుచిత స్పందననూ (వేరే చోట) గమనించాకే ఈ గమనికను ఈ టపా క్రింద చేర్చటమైనది.
చిట్టి పొట్టి మాటల చిన్నారి వృత్తం పసందుగా ఉంది.
రిప్లయితొలగించండిగమనిక: నీహారిక గారి వ్యాఖ్యనూ దాని అధారంగా నడిచిన అన్ని వ్యాఖ్యలనూ తొలగింఛటమైనది.
రిప్లయితొలగించండిఇకనుండి వ్యాఖ్యలను నియంత్రించటంలో మరింత ఖచ్చితత్వమూ, జాగరూకతా అవసరం అనిపిస్తున్నది.
టపాలనూ, బ్లాగు పధ్ధతిని దృష్టిలో పెట్టుకొని - నా దృష్టిలో- ఉచితంగా అనిపించిన వ్యాఖ్యలను మాత్రం ప్రకటించటం జరుగుతుంది. ఈ బ్లాగులోని విషయాల గురించి చర్చలకు అవకాశం లేదు. ఎవరైనా మరెక్కడైనా చర్చించుకుంటే అటువంటి చర్చలకు నా అనుమతమూ ప్రమేయమూ ఏమీ ఉండదు.
మంచి పని చేసారు. చాలా కొద్దిమంది తమ అసందర్భ వ్యాఖ్యలతో మొత్తం బ్లాగులన్నిటినీ భ్రష్టు పట్టిస్తున్నారు.
రిప్లయితొలగించండితీవ్రమైన క్షోభకు గురికావలసి వచ్చింది. అందుకే ఈ‌నిర్ణయం. నా అరోగ్యాన్ని పణం పెట్టటం సమంజసం కాదు కదా. మీకు నా ధన్యవాదాలు.
తొలగించండిచాలా మంచిపని చేశారు. "కసబ్ కూడ వాళ్ళవారికొరకు ఎందరినో చంపాడు ఆ కోణంలో ఆలొచించండి. ఆయన ఒక గొప్పవ్యక్తి అంటారు". రాక్షసులను చంపిన దేవతలను రాక్షసులుగా చూసే సంస్క్రుతి వచ్చేసింది.
రిప్లయితొలగించండిmee punyamaa ani rojuko padyam raamudi gurinchi chaduvutunnam. kanisam alaa annaa vaakpuja chestuam. evaremanna pattinchukonavasaram ledu.
రిప్లయితొలగించండిraamunivaaramu maakemi vichaaramu anna raamadaasula vaari maate manadi anthe