రామ రామ యట్టిబ్రతుకు మేము కోరము కోరము
ఏమి చేసిన నేమిలాభము రామకార్యము చేయక
ఏమి చదివిన నేమిలాభము రామచరితము చదువక
ఏమి పాడిన నేమిలాభము రామకీర్తిని పాడక
ఏమి యాడిన నేమిలాభము రామునకునై యాడక
ఏమి యెఱిగిన నేమిలాభము రామతత్త్వము నెఱుగక
ఏమి నేర్చిన నేమిలాభము రామసేవన నేర్వక
ఏమి చూచిన నేమిలాభము రామమూర్తిని చూడక
ఏమి యబ్బిన నేమిలాభము రామదాస్యం బబ్బక
ఏమి పూజల నేమిలాభము రాముని పూజించక
ఏమి జపమున నేమిలాభము రామజపమును చేయక
ఏమి తపమున నేమిలాభము రామునకునై చేయక
ఏమి బ్రతుకిం కేమిలాభము రామభక్తికి నోచక
బాగుంది. మొదటి చరణం మొదటి పంక్తి చివర 'రామనామము చేయక' అన్నది కుదిరినట్లు లేదు. 'రామకార్యము చేయక' అనవచ్చు కదా? 'రామునకునై యాడక...' టైపాటు.
రిప్లయితొలగించండినామము చేయటం అంటే నామజపం చేయటమనే అర్ధం కదండీ. త్యాగరాజస్వామి తెలిసి రామచింతనతో నామము సేయవే ఓ‌మనసా అన్నారు కదా. ఐతే జపం ప్రసక్తి విడిగాకూడా వచ్చింది కాబట్టి కొంచెం మీరన్నట్లు తస్పక మార్చవచ్చును.
తొలగించండి