హరినామములే పలికెదను - అరిషడ్వర్గము నణచెదను
హరేరామ యని హరేకృష్ణ యని ఆనందముతో పాడెదను
హరిహరి యంటే కామవికారము లంతరించునని వింటిని
హరిహరి యంటే క్రోధము నాలో సురిగిపోవునని వింటిని
తరచగు కామక్రోధంబులనిక విడచి సుఖముగా నుందును
మరువను మరువను హరిస్మరణంబును మరియికపై నే నెన్నడును
హరిహరి యంటే లోభమునాలో నణగిపోవునని వింటిని
హరిహరి యంటే మోహమునాలో నదృశ్యమౌనని వింటిని
విరచెద లోభము విరచెద మోహము వేడుకతో నేనుందును
మరువను మరువను హరిస్మరణంబును మరియికపై నే నెన్నడును
హరిహరి యంటే మదమంతయును విరిగిపోవునని వింటిని
హరిహరి యంటే మత్సరమిక నన్నంటనేరదని వింటిని
సరగున మదమత్సరముల నణచెద నానందముగా నుందును
మరువను మరువను హరిస్మరణంబును మరియికపై నే నెన్నడును
ఎంత చక్కగా ఉన్నదో రామ కీర్తన ! ఎలా ఉన్నారు బాబాయిగారూ ?
రిప్లయితొలగించండిరామకీర్తన నచ్చినంద్కు ధన్యవాదాలు. బాగున్నానమ్మా, ఇలా వ్రాసుకుంటూ!
తొలగించండిఫోన్లు మారటంలో కాలక్రమేణా కొన్ని నెంబర్లు మాయమయ్యాయి. వాటిలో మీనెంబరూ ఉంది. మరొకసారి ఇవ్వగలరా? దానిని ప్రచురించను లెండి.
తొలగించండి