వరముల నిచ్చే హరియుండ పరులను వేడే పనియేమి
తిరమై శ్రీహరి కొలువుండ ధరపై మాకు తిరుగేమి
హరిస్మరణమున నాకలి తీరగ నన్నపానముల పనియేమి
హరికీర్తనమున మేను మరువగ మరి మధువులతో పనియేమి
హరిలీలలతో మనసు నిండగ నాటలపాటల పనియేమి
హరియే మాకు సర్వము గాన నన్యులతో నిక పనియేమి
హరితత్త్వమునే భావించగను పరభావనలకు మనసేది
హరిరూపమునే ధ్యానించగను పరులను తలచే పనియేమి
హరిసంకల్పము లాచరించగను
హరిసేవలతో ప్రొద్దుపుచ్చుటకు నన్యుల యనుమతి పనియేమి
హరితీర్ధమ్ముల సేవించగను పరుల మెప్పుతో పనియేమి
హరిని పరాత్పరు నమ్మిన వారికి నన్యులవలన భయమేమి
హరిపారమ్యము నెఱిగిన వారల కానందము కాకింకేమి
హరేరామ యని హరేకృష్ణ యని యాలపించగ వెఱపేమి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.