రామా నీదయ రానీరా యిం
కేమియు వలదుర యిదిచాలు
ఒప్పుల కేమియు కుప్పను కానుర
తప్పులు చేసితి తరచుగను
తప్పులు కాల్చగ నిప్పుల వలెను
తిప్పలు పెక్కాయె దేవా నిజము
నిను వీడి పుడమికి నేను వచ్చుట తప్పు
వెనుదిరుగ నది పెదతప్పు
వెనుకకు రమ్మని పిలిచెడు నీమాట
వినక నే చెడితి నేమని చెప్పుదును
భవబంధమ్ముల పాలై యెంతో
వివశుడ నైతిర వేడుదురా
రవికులపతి నీ రక్షణ గోరుదు
చివరిపుట్టువిది చేయవయా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.