2, సెప్టెంబర్ 2021, గురువారం

నీవే రక్షించవలయును శ్రీరామచంద్ర

నీవే రక్షించవలయును శ్రీరామచంద్ర
భావించ నీవే నావాడవగుట నిక

లోకుల నమ్మి వారు లోభమోహముల చేత 
నాకు ద్రోహముచేయ నాకారణంబున
శోకావేశముల బొంది చొక్కుచున్నది చాలు
నీకు శరణమంటి‌ర నీరేజనయన

శ్రీకర నిన్ము నమ్మి చెడినవారేలేరయ
ఆకరిరాజు నేమి అతివ ద్రోవది నేమి
ఆకపిరాజు నేమి ఆవిభీషణు నేమి
చేకొని బ్రోచినట్టి నీకు శరణంటిర

పాకారిప్రముఖనుత భండనపండిత
లోకైకవీర ఈలోకమునం దీవే
నాకున్న చుట్టమవు నాకున్న మిత్రుడవు
నాకున్న దైవమవు నీవే శరణంటిర


కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.