మరువక ఓమనసా
ఊరకనే నిత్యము నీ వూరెల్ల తిరుగచు
ధారాళముగ పలుకు దబ్బరల ఫలమేమే
నారకవాసంబును నానాబాధలు గాక
నారాయణ నామమే నోరారా పలుకవే
వెంటరాని ధనములకు వెఱ్ఱిమోహంబుతో
తుంటరివై చేసినట్టి దుడుకులకు ఫలమేమే
మంటలలో యముడు నిను మాడ్చుటయే గాక
కుంటిసాకులు చాలు గోవిందా యనవే
నారాయణ భక్తులకు నరకభయ ముండదే
తారకనామము జేసి తరియించరాదటే
శ్రీరామ యనువాడు చెందునే మోక్షమే
మారుమాటలాడక శ్రీరామా యనవే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.