వదలక నన్నేలు వాడవు నీవని
ముదమున నీపాదముల నుందును రామ
పదుగురు నిను గూర్చి పలుమార్లు పొగడగ
నది విని నీపైన నాసక్తి కలిగి నా
హృదయమున సద్భక్తి యుదయించినది రామ
వదలక రక్షించవయ్య నన్నిక దేవ
పదుగురు నీనామభజన చేయుచు నుండ
నది విని నతిశయమై రక్తి నాలోన
యుదయించె సద్భక్తి హృదయంబులో రామ
వదలక రక్షించవయ్య నన్నిక దేవ
పదుగురు భక్తులవలన బోధను పొంది
వదలి సంసారము పట్లమోహంబును
సదయ భక్తుడనైతి నిదె కనుము శ్రీరామ
వదలక రక్షించవయ్య నన్నిక దేవ
