ముక్తపురుషులు

ముక్తపురుషు లెల్లెడల పుట్టియున్నారు మనకు

శక్తిలేక వారి నెఱుగజాల కున్నాము

పుట్టువేమి ముక్తుల కనబోకండీ వారు

పుట్టియును భవరోగము పట్టనివారు

గట్టితలపు చేసి వారు కదలి వచ్చినారు

మెట్టి రండి ధరను మన మేలు కొఱ కని

మనసులోన రాముడుండు మహాత్ములు వారు

ఘనులు బ్రహ్మస్వరూపులై మనియెడు వారు

మనమధ్యనె చరించుచును మనకెఱుక గారు

మనమేలును తలచి వారు మహికి వచ్చిరి