పో మితరుల కడకు

మేము రామభృత్యులము  పో మితరుల కడకు

మేము రామభక్తులము పో మితరుల కడకు

రాముని వలచేము రాముని తలచేము
రాముని కొలిచేము మేము పో మితరుల కడకు

రాముడు మానాథుడు రాముడు మాకాప్తుడు
రాముడు మాదేవు డండి పో మితరుల కడకు

రాముడు సర్వేశుడు రాముడు జగదీశుడు
రాముడు పరమేశు డండి పో మితరుల కడకు

రాముని  సేవింతుము రాముని పూజింతుము
రాముని కడ నుందు మండి  పో మితరుల కడకు

రామనామము చాలును రాము డొకడె చాలును
రాముడె మాలోక మండి  పో మితరుల కడకు

రామునిదయ చాలును  రామునిదయ చాలును 

రామునిదయ చాలు నండి  పో మితరుల కడకు