రామయ్యకు చెప్పచుందు నేమని నీవు
నామనసు నాక్రమించి నావని
రామయ్యకు విన్నవింతు నేమని నీవు
నామనవులు చిత్తగించ గలవని
నారసనను నీనామము నడచుచుండ నీయమని
వారిజాక్ష నీనామము వదలియుండ లేనని
కూరిమితో నీనామము గొని పలికెడు నాకిక
మారజనక నీదయలను మానకుండ కురియుమని
పరమపురుష నీనామము మరువకుండు వాడనని
తరచుగాను నీనామము తలచి మురియు వాడనని
సరసమైన నీనామము చాలు నందు నానిక
మరి పుట్టువు లేదనుచు వరదానము చేయుమని
కరి తలచిన నీనామము కలిగె నాకు నీదయచే
సురలు తలచు నీనామము శోభించెను నారసనను
హరుడు పలుకు నీనామము నాశ్రయించు నాకిక
పరమార్ధము నీసన్నిధి మరి యది దయచేయుమని
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.