హరినామము రుచి మఱగినచో
మరి యితరములకు మనసగునా
హరిపూజనమున నభిరుచి కలిగిన
పరపూజలలో దరసేనా
హరికీర్తనమున నభిరుచి కలిగిన
పురవాసుల నిక పొగడేనా
హరిచరితముపై నభిరుచి కలిగిన
సరి సరి యన్యము చదివేనా
హరితత్త్వముపై నభిరుచి కలిగిన
పెఱతత్త్వము లిక తఱచేనా
హరి రాముడని యాత్మనెఱింగిన
పరుల మనసులో నఱసేనా
హరికన్యము లేదని తానెఱిగిన
మరి హరినామము మరచేనా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.