కరుణించరా రాముడా

కరుణించరా రాముడా కమలాక్ష నేడే నీ
కరుణకై యుగములుగా వేచియుంటిని

కరుణించ మంటేను కరుణించవు నీవు
కరుణించక నన్ను కరుణింతు రింకెవరు
కరుణామయుడవన్నబిరుదంబు గైకొని
కరుణచూపించక కడుబిగిసియున్నావు

కరుణతో జగముల కడుదక్షడవు నీవు

పరిపాలనము జేయు పక్షంబున భక్త

పరిపాలనము జేయ భావించక నీదు

కరుణ దాచుక యున్న మరియేమి చెప్పేది

కరుణతో కరినేలి ఘనకీర్తి గాంచితివి

కరుణతో ప్రహ్లాదవరదుడ వైనావు

కరుణతో నెందరిని కాపాడి యుండియును

కరుణతో నన్నేల కదలి రాకున్నావు