సరిసరి నీసాటి చక్కని వాడు
ధరణిని గలడా దశరథరామ
ధరణిని యని యేమి సురలోకమునను
పరమపురుష నీ సరివారెవరు
నిరుపమానమగు నీయందమునకు
వరమునిగణమే పరవశించె నన
చిరుచిరు నగవులు చిందించుచు నా
హరచాపముచే నందెడు వేళను
మురిపించెడు నీ మోహనరూపము
నరసిన సర్వులు పరవశించి రన
హరచాపముచే నందెడు వేళను
మురిపించెడు నీ మోహనరూపము
నరసిన సర్వులు పరవశించి రన
పరిణయశుభవేళ కరమున ధరణిజ
కరమును గైకొని కర మనురక్తిని
వరమాలాధర హరి నీవొప్పగ
పురజనులందరు పరవశించి రన
కరమును గైకొని కర మనురక్తిని
వరమాలాధర హరి నీవొప్పగ
పురజనులందరు పరవశించి రన
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.