శ్రీరామా యనగానే చిక్కులన్ని తొలగవా
శ్రీరామా యనగానే చింతలన్ని యణగవా
ధారాధరశ్యాముని దయామృతము చాలదా
కోరికలు తీరవా కొఱతలన్ని తీరవా
చేరవా శుభములు క్షీణించి పాపములు
శ్రీరామా యనగానే నీరాతయె మారదా
చేరవా పరుగున నిను సిరులు సంపదలును
చేరరా సుజనులు నీస్నేహమునే కోరుచు
పారరా కుజనులు నీవంక లెన్నుట మాని
శ్రీరామా యనగానే జీవితమే మారదా
ఆరవా తాపములు తీరవా మోహములు
ఆరూఢిగ సద్భక్తి యంకురించి పెరుగదా
ఘోరభవచక్రమును కశలముగ దాటడా
శ్రీరామా యని నీవు చేకొనవా మోక్షము
