ఎంత భాగ్యమును పొందు నిలపై నరుడు తా
నెంత పెట్టిపుట్టినా డంత భాగ్య ముండు
ఎంత ధర్మమును నెఱపు నిలపై నరుడు తా
నెంత సంస్కారపరు డంత గొప్ప గాను
ఎంత సౌఖ్యమును పొందు నిలపై నరుడు తా
నెంత పుణ్యమును భోగించవలయు నంత
ఎంత శోకమును పొందు నిలపై నరుడు తా
నెంత పాపమును భోగించవలయు నంత
ఎంత కాల ముండునో యిలపై నరుడు తా
నెంత కర్మమును భోగించవలయు నంత
ఎంత నామజపము చేయు నిలపై నరుడు తా
నెంత మున్ను చేసెనో యంతకంత గాను
ఎపుడు కర్మవిముఖుడగు నిలపై నరుడు తా
నెపుడు రామ రామ యను నపుడు విముఖు డగును
ఎపుడు రామ రామ యను నిలపై నరుడు రాము
డెపుడు కటాక్షించునో యపుడు పలుక నేర్చు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.