తామసులకు కలుగునా రామనామము

తామసులకు కలుగునా రామనామము శాంతి
కాముకులకు దొరకునట్టి రామనామము

అందమైన దతిసులభ మైనదీ నామము

ఇందువదన సీతాసతి కిష్టనామము

అందుకొనుడు వేగ సుజనులార యీనామము

పొందదగిన నామము గోవిందు నామము

హనుమదాది సద్భక్తుల కారాధ్యనామము

మునివరు లనునిత్యమును పొగడు నామము

వనజసంభవుడు తలచి పలుకాడు నామము

అనిశము శ్రీహరుడు పలుకునట్టి నామము

యోగివరుల గుండియల మ్రోగు నీనామము

రాగద్వేషముల నణచు రమ్యనామము

భోగపరాయణు లెన్నడు పొంద రీనామము

వేగముగా మోక్షమిచ్చు విష్ణునామము