తామసులకు కలుగునా రామనామము శాంతి
కాముకులకు దొరకునట్టి రామనామము
కాముకులకు దొరకునట్టి రామనామము
అందమైన దతిసులభ మైనదీ నామము
ఇందువదన సీతాసతి కిష్టనామము
అందుకొనుడు వేగ సుజనులార యీనామము
పొందదగిన నామము గోవిందు నామము
హనుమదాది సద్భక్తుల కారాధ్యనామము
మునివరు లనునిత్యమును పొగడు నామము
వనజసంభవుడు తలచి పలుకాడు నామము
అనిశము శ్రీహరుడు పలుకునట్టి నామము
యోగివరుల గుండియల మ్రోగు నీనామము
రాగద్వేషముల నణచు రమ్యనామము
భోగపరాయణు లెన్నడు పొంద రీనామము
వేగముగా మోక్షమిచ్చు విష్ణునామము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.