6, ఫిబ్రవరి 2019, బుధవారం
ఏలాగున నిను పొగడ జాలుదు నయ్యా
ఏలాగున నిను పొగడ జాలుదు నయ్యా
నాలుక లెన్నైతే చాలు నయ్యా
నీ కొడుకగు నలువకైన నిన్ను పొగడగ
యే కొలదికి యొక్క నాల్క యిటు గాదనుచు
చేకొని నలుదిక్కులకును చెలగి మోముల
శ్రీకరముల నిను పొగడుచు సృష్టి నెరపెను
పంచభూతమయుడ నిన్ను పరగ పొగడగ
కొంచెమనుచు నొక నాల్క కుండెడు శక్తి
అంచితముగపంచభూతాత్మకంబుల
పంచముఖములను పొందెను పరమేశ్వరుడు
నిక్కి రెండునాల్కలతో నిన్ను పొగడగ
నెక్కడికని ఆదిశేషు డెసగ శిరములు
చక్కగ నొకవేయి గొనెను సర్వేశ్వరుడ
చిక్కనైన దయామృతము చిలుకు రాముడ
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.