12, ఫిబ్రవరి 2019, మంగళవారం
మాయావీ రావణా మాయలకే మాయ
మాయావీ రావణా మాయలకే మాయ హరి
మాయ నిన్ను పట్టిన మాట యెఱుగవే
వరమడిగెడు వేళ నరుల వానరులను విడచి
గరువముతో పలుకాడితివో
సరిసరి హరి నరుడై నిను చంపవీ లగునని
హరిమాయ నిన్నట్లడిగించెను
నీవేదో మాయపన్ని నేరుపు జూపింంచి
శ్రీవిభునే వంచించితివా
నీ వెఱ్ఱియేకాని నీవు మాయచేయుటేమి
ఆ విష్ణుమాయకే యగ్గమైతివి
కాలుడేమొ నలువమాట కాదనక విడచిన
కాలుని గెలిచిన ఘనతతోచ
కాలాత్మకుడైన హరి కకుత్స్థ రాముడైన
నేలాగు హరిమాయ యెఱుగనిచ్చు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.