12, ఫిబ్రవరి 2019, మంగళవారం

రాముని భావించరాదా మనసా యేమని యితరము లెంచేవే


రాముని భావించరాదా మనసా
యేమని యితరము లెంచేవే

ధనములు పోగిడు పనిలో యెందుల
కనిశము తహతహ లాడేవే
మనసా రాళ్ళును మణులును నొకటే
పనివడి పోగిడి పట్టుకపోదువే

వనితల కొరకై తనయుల కొరకై
యనిశము తహతహ లాడేవే
మనసా మోహము మానుమెవ్వరును
ననుసరించి రారని నీ వెరుగవే

నిను దరిజేర్చే నీ రామునికై
యనిశము తహతహ లాడగదే
మనసా వానిని మరువక గొలిచిన
పనిగలదా యిల పైన జనించగ

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.