విన్నారా యిది విన్నారా
చిన్నికృష్ణుడు చేసినలీల
చల్లచల్లని సంధ్యాసమయము
పిల్లనగ్రోవి పిలిచే సమయము
అల్లరి గోపిక లందరి యడుగులు
మెల్లగ చేరెను బృందావనము
ఎన్నడులేనిది ఈనాడేమో
చిన్నికృష్ణు డట చేరనె లేదు
కన్నయ్యేడీ కనబడడే యని
అన్నులమిన్నల కాందోళనము
విరిపొద లన్నిట వెలసెను తానే
తరుశాఖలపై తానే తోచెను
తరుణుల మధ్యన తానే నిలచెను
మురళీరవముల మునిగెను వనము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.