రామ రామ అనలేని

రామ రామ అనలేని దేమి జన్మము

రాముని పూజింపలేని దేమి జన్మము

తామసుడై తిరుగుచు తప్పులే చేయుచు

పామరుడై తిరుగుచు పాపాలు చేయుచు

కాముకుడై తిరుగుచు కాపురుషుడై

భూమిపైన తిరిగెడు పురుషుని జన్మము

ధనములను నమ్ముచు ధనములకై తిరుగుచు

ధనికులను నమ్ముచు దాస్యమును చేయుచు

ధనేతరము నిమ్మహి తానెఱుగకే

అనుదినము గ్రుమ్మరు నధముని జన్మము

పర మొకటి కలదని భావించని జన్మము

హరి యొకడు కలడని అరయలేని జన్మము

ధర మీద కలుగుట తప్పనుకొనక

మరలమరల కలుగెడు మనుజుని జన్మము