రాము డున్నాడు సీతారాము డున్నాడు రాజా
రాము డున్నాడు పరంధాము డున్నాడు
తనను సేవించుటకై తహతహలాడుచును
మునివరులును సురవరులును ముచ్చటటడగ
జనకసుతాసమేతుడై జననాథశిఖామణి
కనకపు సింహాసనమున కరుణతో నిదే
సకలలోకముల నున్న సజ్జనుల కందరకు
ప్రకటించుచు నభయంబును భగవంతుడై
సకలసంపదల నొసంగి సర్వార్ధముల భక్త
నికరంబున కెపుడు దీర్చ నిష్ఠతో నిదే
శరణమనెడు వారి నెపుడు సాగి రక్షించుచు
పరులను పీడించు వారి పట్టి యణచుచు
హరేరామ యను వారల కపవర్గ మొసంగుచు
కరుణచూపుచుండు వాడు పరమపురుషుడు
