10, అక్టోబర్ 2022, సోమవారం

నేటి కవిత్వం - 2

కవివై పోతున్న పెద్దమనిషీ

ముందు చదివేవాళ్ళను వెతుక్కో

కవిత్వం రాస్తున్న పెద్దమనిషీ

ముందు ఆత్మశోధన చేసుకో

కవితలు గిలికే కవిరాజా

ముందు భావాన్ని పలికించు

పాతిక కవితల పుస్తకంలో

పది మంచివిషయాలు చెప్పు

నువ్వెప్పుడో వీపుగోకిన కవి

నీవీపును గోకుతాడు సరే

ఎవరూ కొనని పుస్తకాన్ని

ఎవరెవరికో పంచుతావు సరే

ఐనా సరే చెల్లని పుస్తకాలని

ఎన్నాళ్ళు పంచగలవు మరి

కవులముఠాలు ఎప్పటికీ

కవిత్వాన్ని సృష్టించలేవు

కావలసినన్న అవార్డు లిచ్చుకున్నా

కాలగర్భంలో కలిసిపోతాయి

కవిత్వరహితకవితాసంకలనాలు