ఏలా రాడాయెనే

ఏలా రాడాయెనే బాల గోపాలుడు

వేళమించి వెన్నెలా వెలతెలబోయేనే

తలకు నెమలి యీక తగిలించి బంగారు

వలువగట్టి కస్తూరి తిలకము పెట్టి

గళమున ముత్యాలు గంతులు వేయగ

విలాసముగ చేత పిల్లనగ్రోవితో 

కాళ్ళ గజ్జెలు మ్రోయ గంతులు వేయుచు

వ్రేళ్ళ రత్నాంగుళులు వెలుగులు చిమ్మ

రాళ్ళను కరగించు రాగాల మురళితో

త్రుళ్ళుచు మోహనరూపుడు చెలులార

ఏమైన యన్నారే యెవరైన సఖులార

మోమాటపడి వాడు మోముచాటు చేసె

ఆమోహనాకార మా మురళిపాటయు

నేమాయె నెవ్వరి నేమందుమే నేడు