అరిది విలుకాడ మంచి యందమైన వాడ
హరి మేని చాయ వాడ చిరునగవు వాడ
తిరుగులేని చాల గొప్ప దొరతనము వాడ
మరుగులేని గొప్ప ధర్మ మార్గము వాడ
కరుణజూపు దేవు డన్న బిరుదుగల వాడ
స్థిరమైన కీర్తియున్న దేవదేవుడ
తిరుగులేని బాణాలను పఱపించు వాడ
హరివోలె దైత్యకులము నణగించు వాడ
పరమపురుషు డన్న మంచి బిరుదుగల వాడ
సరిసాటిలేని గొప్ప సార్వభౌముడ
పరమభక్తులకు నెపుడు పలుకుచుండు వాడ
పరమయోగులకు మోక్షఫలమునిచ్చు వాడ
మరలమరల మాకు మంచి వరములిచ్చు వాడ
సరసహృదయ సీతారామచంద్రమూర్తి
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.