వీరుడ వంటే నీవేలే

వీరుడ వంటే నీవేలే అరి

వీరభయంకరుడా రామా

మూడుఘడియలు ముగియులోపలే

వాడిబాణముల బరపి ఖరాదుల

పోడిమి నణచిన వాడవు కావో

ఏడీ నీసరి వా డెవడయ్యా

పరక వైచితివి పరుగిడు కాకికి

తిరిగి యెచ్చటను త్రిభువనములలో

శరణము కరవై భ‌రపడి తుది నీ

చరణము లంటగ చా వెడలె

పంతగించి పైబడి కురిపించిన

అంతులేని నీ అలుగుల ధాటికి

గంతులు వేసెను ఘనరణభూమిని

బంతుల వలె రావణుని శిరంబులు