21, జులై 2022, గురువారం

హరేరామ నేను చేయ నపరాధము

హరేరామ నేను చేయ నపరాధము
హరేకృష్ణ నేను చేయ నపరాధము

హరి యునికిని నమ్మకుండు టపరాధము
హరి మహిమను నమ్మకుండు టపరాధము
హరి నన్యులతో పోల్చుట యపరాధము
హరి భక్తియె లేక యుండు టపరాధము

హరిసేవకు వెనుదీయుట యపరాధము
హరిసేవల నలసత్వం బపరాధము
హరిసేవవల కన్యమెంచు టపరాధము
హరిసేవకులను దిట్టుట యపరాధము

హరిమార్గము మరచియుండు టపరాధము
హరినామము మరచియుండు టపరాధము
హరిని గూర్చి పలుకకుండు టపరాధము
హరిభక్తుల జేరకుండు టపరాధము