జననాథకులజలధి చంద్రుడా

జననాథకులజలధి చంద్రుడా భక్త

జననాథ శ్రీరామచంద్రుడా

నీవే నాపతివని యందురా ఇంక 

నీవే నాగతివని యందురా

నీవే భవజలధిని నావవై నీ

తావునకు తోడుకు పొమ్మందురా

హరివి నీవేనని యందురా మనో

హరుడవు నీవేలే యందురా

సరగున రక్షించ మందురా ఓ

పరమాత్మ నీవే దిక్కందురా

కరుణగల వాడవని విందురా వేగ

కరుణజూప వేమని యందురా

హరి నీవే సర్వస్వ మందురా నాకు

మరి యెవరును లేరనే యందురా