శ్రీరామ వందనం సీతారామ వందనం
తామరసనయన గుణధామ వందనం
సురలమెఱ విని భువిని సూర్యాన్వయము సొచ్చి
సురవైరుల ద్రుంచిన హరి నీకు వందనం
నరుడవై వనముల నడయాడి మునివరుల
కరుణించుచు తిరిగిన హరి నీకు వందనం
శాపములను బాపెడు సర్వేశ వందనం
పాపములను తొలగించు పరమేశ వందనం
తాపత్రయవారణదక్ష నీకు వందనం
మాపాలి దైవమా మారామ వందనం
నీలమేఘశ్యామ నీకిదే వందనం
పాలితాఖిలభువనజాల హరి వందనం
వాలాయముగ మమ్మేలు దొర వందనం
చాలు నీ‌దయ మాకు సనాతన వందనం
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.