శ్రీరామ వందనం సీతారామ వందనం
తామరసనయన గుణధామ వందనం
సురలమెఱ విని భువిని సూర్యాన్వయము సొచ్చి
సురవైరుల ద్రుంచిన హరి నీకు వందనం
నరుడవై వనముల నడయాడి మునివరుల
కరుణించుచు తిరిగిన హరి నీకు వందనం
శాపములను బాపెడు సర్వేశ వందనం
పాపములను తొలగించు పరమేశ వందనం
తాపత్రయవారణదక్ష నీకు వందనం
మాపాలి దైవమా మారామ వందనం
నీలమేఘశ్యామ నీకిదే వందనం
పాలితాఖిలభువనజాల హరి వందనం
వాలాయముగ మమ్మేలు దొర వందనం
చాలు నీ‌దయ మాకు సనాతన వందనం
