శ్రీరామ రామ యని నో‌రారా పలుకరా
నోరార యని హరిని చేరరా
ఈనోరు పలుకనేల నెల్లప్పుడు ననృతముల
ఈనోరు పలుకనేల నెల్లప్పుడు ప్రల్లదముల
ఈనోరు రామనామ మేల పలుకదో
ఈనాటినుండి యైన నెంచి పలుకనీరా
ఈనోటికి హితవు కదా నెల్లపుడు షడ్రుచులు
ఈనోటికి రామనామ మేల అరుచి యైనది
దాని ముందమృతమైన తక్కువ కదరా
ఈనాటి నుండి అనుభవించి పొంగిపోరా
ఏనోటను రామనామ మెల్లప్పుడు పలుకునో
ఏనోటికి దాని కన్య మించుక రుచికాదో
ఆనోరే పరమపూత మాతడే ధన్యుడౌ
ఈనాటి నుండి ప్రీతి నెల్లప్పుడు పలుకరా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.