ఈమాత్ర మెఱుగరా ఏమి గురువులు మీరు
రామరామా చాలు మీమాటలు
శ్రీరామనామ మను సిధ్ధౌషం బొకటి
సేవించదగినదై యుండ
మీరేల భవరోగ మను దాని కొకమందు
తీరుగా లేదు పొమ్మనుచు
ధారుణీతల మందు తప్పుమాటను ప్ర
చారంబు చేయుచున్నారో
ఔరౌర అది యొప్పునా రామనామామృత
మన్ని రోగములకు మందు
శ్రీరామనామ మను చింతామణి యొకటి
చేతిలో సిధ్దముగ నుండ
మీరేల సకలసంపద లిచ్చు మణి యొండు
మేదినిన్ లేదు పొమ్మనుచు
ధారుణీతల మందు తప్పుమాటను ప్ర
చారంబు చేయుచున్నారో
ఔరౌర అది యొప్పునా రామనామమణి
ఆమోక్షమైన నందించు
శ్రీరామనామ మను జీవులందరు జపము
చేయగా దగు మంత్ర ముండ
మీరేల సకలజనసంసేవ్య మంత్రమే
మేదినిన్ లేదు పొమ్మనుచు
ధారుణీతల మందు తప్పుమాటను ప్ర
చారంబు చేయుచున్నారో
ఔరౌర అది యొప్పునా రామమంత్రంబు
నందరును చేయనే వలయు
