శివశివ యనవే మనసా నీవు

శివశివ యనవే మనసా నీవు
శివుడా వాడెవ్వ డనకే నీవు
శివుడెక్కడా యని యనకే నీవు
శివుడే‌ కేశవు డెఱుగవె నీవు
శివమయ మని సర్వ మెంచవె నీవు
శివమయ మని జగ మెంచవె నీవు
శివమయ మని తను వెంచవె నీవు
శివునే తల్లిగ నెంచవె నీవు
శివునే తండ్రిగ నెంచవె నీవు
శివునే గురువుగ నెంచవె నీవు
శివభక్తకోటిని చేరవె నీవు
శివుని చేరగా తలచవె నీవు
శివుని యానతిని కోరవె నీవు
శివుని సన్నిధిని చేరవె నీవు
శివుని మ్రోల నిలుచుండవె నీవు
శివుని గని పరవశించవె నీవు
శివుని తత్త్వము నెంచవె నీవు
శివశివ శివశివ యనవే నీవు
శివుని పూజలు చేయవె నీవు
శివుని నామములు చెప్పవె నీవు
శివుని స్తోత్రములు చేయవె నీవు
శివుని పాటలు పాడవె నీవు
శివుని కరుణను కోరవె నీవు
శివుని వరములు కోరవె నీవు
శివుడే గురువని యెఱిగిన నీవు
శివుని వేడవే భవతారకము
శివుడిచ్చు నీకు భవతారకము
భవతారక మది రామమంత్రము
శివుని గొల్చెడు రాముని మంత్రము
శివుడు నిత్యము చేయు మంత్రము
శివుని కరుణచే చేకూరు సిధ్ధి
భవమిక లేనట్టి బ్రహ్మత్వ సిధ్ధి