తక్కిన దేవత లొకయెత్తు మన దశరథరాముం డొకయెత్తు
తక్కిన మంత్రము లొకయెత్తు భవతారకమంత్రం బొకయెత్తు
మిక్కిలిధనము గడించుచు బొక్కుచు మిడుకుటలో సుఖ మొకయెత్తు
చక్కని ప్రేమను పంచెడు రాముని చరణసేవ సుఖ మొకయెత్తు
మిక్కిలి మారులు పుట్టుచు సుఖముల నిక్కడ వెదకుట యెకయెత్తు
అక్కజముగ హరిపదమును చేరి యచట సుఖించుట యొకయెత్తు
పదవులు ధనములు బంధుమిత్రుల వలన కలుగు బల మొకయెత్తు
సదయుండగు శ్రీరామచంద్రుడే యెదనుండిన బల మొకయెత్తు
అదనుగ మణిమంత్రౌషధములచే నగుచుండెడి బల మొకయెత్తు
విదితముగా హరిభక్తిపరతచే వెలయుచుండు బల మొకయెత్తు
పొరి తలిదండ్రులు మానక నీపై కురిపించెడి దయ యొకయెత్తు
కరుణామయుడగు రామచంద్రుడు కురిపించెడి దయ యొకయెత్తు
గురవులు పెద్దలు నీయభివధ్ధిని కోరి కురియు దయ యొకయెత్తు
మరియిక పుట్టవు పొమ్మని రాముడు కరుణించుట యది యొకయెత్తు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.