27, మార్చి 2022, ఆదివారం

మంచివాడ వయ్యా రామ మంచివాడవు

మంచివాడ వయ్యా రామ మంచివాడవు నిన్ను

మించినట్టి దయానిధిని మేమెఱుగము


చిన్నగా పిలువగనే సీతారామా నీవు

తిన్నగా పలికెదవో దేవదేవా

అన్ని కోరికలు మాకనుకూలముగా మమ్ము

మన్నించి ఇచ్చెదవో మంచివాడా


చెడ్డవాడైన గాని సీతారామా కాళ్ళ

కడ్ఖముగా పడివేడిన నంతే చాలు

వడ్డించి కృపారసము బహుప్రేమతో నీవు

దొడ్డ మేలు చేయుదువో దుష్టదమనా


ఎంత మంచివాడవో యిందిరారమణ నీదు

ఇంతినే పౌలస్త్యున కెర వేసినావు

పంతగించి వాని నడచి ప్రపంచమున కీవు

చింతదీర్చి క్షేమంబును చేకూర్చితివి