బ్రహ్మానంద పరవశులైరి బ్రహ్మాదులు దిగివచ్చిరి
దిగివచ్ఛిన ఆ సరిసిజాసనుడు దేవదేవుడవు నీవనెను
జగదీశ్వరుడవు నారాయణుడవు జానకిరామా నీవనె
జగన్మాతకే యగ్నిపరీక్షను జరిపించితి వోహో యనెను
నిగమవేద్య నీలీలల నెఱుగగ నేరము గాదా మేమనెను
దిగివచ్చిన ముక్కంటి రాముడా దివ్యము నీచరితం బనెను
జగదీశ్వరుడవు నారాయణుడవు జానకిరామా నీవనెను
దిగివచ్చిన దేవేంద్రుడు రామా తీరెను నాకష్టం బనెను
తగిన ప్రత్యుపకారము నేను తప్పక చేయదు నిపు డనెను
దిగివచ్చిన దశరథభూజానియు జగముల రక్షించితి వనెను
జగదీశ్వరుడవు నీవని తెలిసెను సంతోషించితి నేననెను
తగినవిధంబుగ పట్టము గట్టుక ధర నేలుము నీవిక ననెను
యుగయుములు నీకీర్తి రహించును జగములలో చక్కగ ననెను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.