ఎంతచిత్రమో కదా యీసంగతి
వింతగా రామకథ విధి లిఖించె
గద్దె కెక్కవలెను రేపు వాడనగా తండ్రి
వద్దు వాడడవికి పోవలెననె పినతల్లి
ముధ్దులసతి మాటలకు మూర్చిల్లె జనపతి
సద్దుచేయ డడవులకు జనెను శ్రీరాముడు
వద్దు నాకు గద్దె యనుచు వచ్చి భరతు డడిగె
గద్దె నీది పాలించగ కడగుమనె రాముడు
పెద్దగ వాదించి యతడు విభుని యొప్పించెను
ముద్దుగ నీపాదుకలు భూమినేలు ననుచు
ముద్దరాలు సీత నెత్తుకపోయినట్టి రావణుని
పెద్దయనిని చంపి సతితి విడిపించె రాముడు
పెద్దలు బ్రహ్మాదు లంతట వెన్నుడవు నీవనిన
పెద్దగ నచ్చెరువుపొందె విభుడు శ్రీరాముడు
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.