పూలదండ లీయ వస్తివా గోపికా
మేలుమేలే నిన్ను మెచ్చుకొందును
పూలదండ లీయ వస్తివా గోపికా యీ
పూలన్నీ మీతోట పూవులేనా
పూలన్నీ మాతోట పూవులే కాక యీ
పూలన్నీ నాతలపై పూచినట్టివా
పూలదండ లీయ వస్తివా గోపికా యీ
మాలలన్నీ నీవే చేసినావా
మాలలన్నీ నేను కాక మాయమ్మ చేసెనా
మేలమాడు నందగోపబాల కైకోరా
పూలదండ లీయ వస్తివా గోపికా నీ
వేల పూలు కొప్పులో పెట్టలేదే
పూలన్నీ నిన్ను చేర పుట్టినట్టివే కొన్ని
పూలకు నే నన్యాయము నేలచేతురా
