నామజపము చేయరే పామరులారా

నామజపము చేయరే పామరులారా రామ

నామజపము చేయరే రక్తిమీఱ

ఇరుగుపొరుగు వారితో యిచ్చకంబు లాడుచును

కరిగించుచున్నా రేల కాలమంతయు

ఉరక రసన నటుల నిటుల ఊపుచున్న నేమొఱుగు

పరమాత్ముని నామ మేల పలుకకున్నారో

నరులుగా పుట్టినందుకు నారాయణ నామమును

సరసముగా పలుకకున్న జన్మమేటికి

హరినామజపము మోక్షకర మన్నది తెలిసియును

హరేరామ హరేరామ యనకున్నారే

భవతారక మని తెలిసి యెవడు రామనామమును

పవలురేలు పాడుచుండు వాడే ఘనుడు

వివరించి చెప్పనేటికి వేరొండు దారిలేదు

భవచక్రము దాటి పరమపదము చేరగా