అల్లరి యిక చాలునురా కృష్ణా పిల్లనగ్రోవిని యూదరా
నీమృదుమురళీ గానము దయతో నించుమురా మా గుండెల
మా మురిపములే తీరగ వేగమె మధురముగా మ్రోగించరా
గోపికలందరు నీపాటను విన కూడుకొనిరి కనుగొనరా
గోపాలక ఓ నందకుమారా మాపై నీవు దయగొనరా
వెన్నెల వేళను వృథ సేయకురా మన్నించర మురళీధరా
కన్నియలందరి తహతహ తీరగ గానామృతమును పంచరా
మోహనమురళీగానము వినగా మోహములే నశియించురా
దేహికి తాపము లణగించే నీ దివ్యగాన మందించుమురా