25, ఆగస్టు 2019, ఆదివారం
నోటిగూటి చిలుక ధాటిగ పలుకవే
నోటిగూటి చిలుక ధాటిగ పలుకవే
మాటిమాటికి రామమంత్రము నీవు
కామక్రోధాదులు కలబోసి పలుకుచు
తామసబుధ్ధులై ధరనుండు నట్టి
పామరులకు నీవు ప్రతివచనము లిచ్చి
రాముని నామము నేమర బోకే
సారవిహీనమీ సంసార మనియెంచి
నారాయణుని యందు నాటించి బుధ్ధి
శ్రీరామనామము చేయుచుండెడి వారి
చేరి కలిసిమెలసి చేయవె భజన
శ్రీరాము డొక్కడే చిక్కుల నడగించు
శ్రీరామచింతనమె చేయవే నీవు
శ్రీరామ జపమున చిత్తశాంతి కలుగు
శ్రీరామజపమునె చేయవే నీవు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.