6, ఫిబ్రవరి 2013, బుధవారం

సురవైరుల్ పదునాల్గు వేవుర


మ.  సురవైరుల్ పదునాల్గు వేవుర ధరన్ శోషించు హస్తంబులన్
ధరణీపుత్రిని కష్టపెట్టు దనుజున్ దండించు హస్తంబులన్
స్మరణాన్ముక్తిదమైన హస్తముల రామబ్రహ్మ హస్తంబులన్
హరకోదండము చెండు హస్తముల సంధానింతు చిత్తంబునన్

(వ్రాసిన తేదీ: 2013-1-14)
వీరిచే పోస్ట్ చేయబడింది వద్ద
లేబుళ్లు:

1 కామెంట్‌:

  1. మనోహర్ చెనికల6 ఫిబ్రవరి, 2013 9:33 AMకి

    నిజమే కదా,
    భక్తులకి అభయప్రదానం ఆ చెయ్యి,
    ఆపన్నులను ఆదుకునే చెయ్యి,
    అసురులను అంతమొందించే చెయ్యి,
    మీ పద్యం చదువుతుంటే ఇంకో పద్యం గుర్తొస్తుంది. బలి చక్రవర్తి విష్ణుమూర్తి చేతి గురించి చెప్పిన పద్యం,
    ఆదిన్ శ్రీసతి కొప్పుపై దనువుపై నంసోత్తరీయంబుపై
    బాదాబ్జమ్ములపై గపోలతటిపై బాలిండ్లపై నూత్న మ
    ర్యాదన్ జెందు కరంబు క్రిందగుట మీదై నా కరంబుంట మే
    ల్గాదే రాజ్యము గీజ్యమున్ సతతమే కాయంబు నాపాయమే!
    అంతగొప్పచెయ్యి కిందై, నా చెయ్యి మీద అవ్వడం సామాన్యమా అని బలి పొంగిపోయాడు.
    అన్నమయ్య కూడా "ఇందరికి అభయమ్ములిచ్చు చెయ్యి" అని మురిసిపోయాడు.
    ఒక తెలుగు రామాయణంలో ఇలాగ అన్నారు.
    పాదాగ్రమ్మున నిన్ను తొక్కిన ధూర్జటి విలు తుంచివైచె
    వాలమ్మున నిన్ను కట్టిన వాలిని ఒకమ్మున కూలవైచె
    అని నిన్ను పురిగొన్న అర్జును బలిగొన్న పరశురాముని యాజి భంగపరిచె
    ---- పదునాల్గువేవుల బారిసమరె.
    అట్టి మహా ధనుర్ధరునకున్ యెగ్గాచరించి,
    హరిహర బ్రహ్మ శక్రాదులైన అతని భయద, నిర్ఘాత, సంఘాత బాణ ఘాత శాత హతులుగాక బదుకగలరె (పూర్తిగా గుర్తులేదు)
    అంతటివాడు నా రాముడు..
    ప్రతిరోజూ ఉదయాన్నే అలాంటి రాముని స్మరిచుకునే అవకాశాన్ని ఇస్తున్నారు. ధన్యవాదాలు.

    రిప్లయితొలగించండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)