4, ఆగస్టు 2013, ఆదివారం

ఈ దారెటు పోతుందో ఎవరికి తెలుసు?

ఈ దారెటు పోతుందో ఎవరికి తెలుసు
అసలే దారిని వచ్చానో నాకేం తెలుసు

నడచి నడచి యీ‌ నడక విసుగనిపిస్తే
నడవలేక యీ కాళ్ళకు నొప్పులు వస్తే
అడుగుతీసి వేయలేని అలసట వస్తే
అడగా లింకెంత దూరమో‌ అనిపిస్తే
అడగనా? ఎవరినీ ? ఏమనీ?
అడిగినా? చెప్పేవా రెవ్వరనీ?

ఇన్నాళ్ళ నుంచి నేను చూస్తూనే‌ ఉన్నాను
ఎన్నోన్నో నదులనూ గిరులనూ వనులనూ
అన్నీ చిరపరిచితాల వలె తోస్తున్నాయి
ఎన్నెన్ని మార్లు యీ దారివెంట తిరిగానో
ఎన్నాళ్ళు నడవాలి నే నింకా
తిన్నగా చెప్పేవా ళ్ళసలున్నారా

తుదీ మొదలు లేని గొప్ప వృత్తమా యిది
అదే నిజం అయితే నే మొదటికే వచ్చేది
అది సరే మరల మరల ఎందుకు తిరగాలి
అది నిజం కాక పోతే యీ‌ దారికి అంతేదీ
ఇది నేను ఎవరిని అడగాలీ
బదులు చెప్పే వాళ్ళే దొరకాలీ

5 వ్యాఖ్యలు:

  1. మీలో ఏదో తెలియని నైరాస్యం ఆవరించినట్లనిపిస్తుంది. ఎందుకు చెప్మా!

    ప్రత్యుత్తరంతొలగించు

  2. లేని దారిని ఉన్నదని భ్రమించి, రమించి మరల మరల తిరుగాడు మానుజా ! అసలు దారంటూ ఏదీ లేదు ఉన్నదల్లా శుభానల్లా !


    జిలేబి

    ప్రత్యుత్తరంతొలగించు
  3. శ్యామలీయం గారి ఈ దారెటుపోతోంది చాలా బాగుంది ప్రతి వ్యక్తికి ఎప్పుడో అప్పుడు వచ్చే సందేహమే అది.చెప్పిన తీరు చాలా బాగుంది.
    హైమవతి.

    ప్రత్యుత్తరంతొలగించు
  4. శ్యామలీయం గారూ ,

    నమస్తే .

    మంచి వృత్తాంతం వృత్తమేనని బహు చక్కగా సెలవిచ్చారు . చాలా బాగుంది . ఏవో అచ్చు తప్పులు అక్కడక్కడ టైపింగు సమయంలో దొర్లటం సహజం . భావం అర్ధమవుతుండటం వలన వాటి వల్ల యిబ్బందేమి కలగలేదు .

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.