11, ఆగస్టు 2013, ఆదివారం

పాహి రామప్రభో - 195


పూజావిధానంలో తాంబూలం అనంతరం వెంబడే నీరాజనం అనే ఉపచారం చేయటం కూడా ప్రసిధ్ధంగా కనబడుతుంది.  భగవానుణ్ణి దివ్యమైన ఉజ్వల కాంతిలో దర్శించటం అనేది ఈ ఉపచారం యెక్క ప్రధానమైనఉద్దేశం.


నీరాజనం.

క. వెలుగుల కెల్లను వెలుగై
వెలుగొందెడి దివ్యమూర్తి విజ్ఞానప్రభా
విలసనములు కర్పూరపు
వెలుగులుగా హారతి గొన వేడుదు రామా

తాత్పర్యం.  ఓ శ్రీరామచంద్రప్రభూ నువ్వు వెలుగులకే వెలుగైన వాడివి.  అటువంటి నీకా నేను వేరొక వెలుగును హారతిగా ఇచ్చే సాహసం చేసేది.  కాని రామా, ఉపచారం సమర్పించుకోవటం అనేది సముదాచారం‌ కాబట్టి, నీ కోసం ఒక దివ్యమైన హారతిగా విజ్ఞానప్రభలు అనే వెలుగులనే‌ దివ్య కర్పూర నీరాజనం‌ వెలుగుగా సమర్పించు కుంటున్నాను.  స్వీకరించి నన్ను అనుగ్రహించ వలసిందిగా వేడుకుంటున్నాను.

(ఆగష్టు ‌2013)

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.