ఏమని చెప్పుదు నెన్నెన్ని జన్మము
లెత్త మందువయ్య చిత్తజగురుడ
లెత్త మందువయ్య చిత్తజగురుడ
నళినాక్ష పరదైవముల నేను గొలువగ
నరజన్మములు కొన్ని కరిగిపోయెను రామ
నళినాక్ష నీపేరే నాకెఱుక గాకుండ
నరజన్మములు కొన్ని కరిగిపోయెను రామ
నళినాక్ష నీమహిమ నాకఱుక గాకుండ
నరజన్మములు కొన్ని కరిగిపోయెను రామ
నళినాక్ష నీయందు నాకు గురి కుదరక
నరజన్మములు కొన్ని కరిగిపోయెను రామ
నళినాక్ష నీపైన నాభక్తి నిలువక
నరజన్మములు కొన్ని కరిగిపోయెను రామ
నళినాక్ష నీకేమొ నాపైన దయరాక
నరజన్మములు కొన్ని కరిగిపోయెను రామ
నళినాక్ష నీదయ కలుగుటకై నేను
నరజన్మముల నెన్ని కరిగించ వలె రామ
నళినాక్ష యికనైన నాపైన దయజూపి
యిల నింక పుట్టించ వలదయ్య రామ
