రామరామ యని మీరు రామనామము చాల
ప్రేమతో పలకండి విభునినామము
విభుని రూపమే తలచి విభుని మనసున వలచి
విభుని నామమే పలుకు వేడుక తోడ
విభుని మహిమనే తలచి విభుని భక్తితో కొలిచి
విభుని గాథ లెన్నుచును వేడుక తోడ
విభుని వైభవము నెంచి విభుని కరుణ లోనెంచి
విభుని కన్యమెంచక వేడుక తోడ
విభుని గుణములే తలచి విభుని ధర్మమే తలచి
విభుని సత్యమే తలచి వేడుక తోడ
విభుని శౌర్యమే తలచి విభుని జయములే తలచి
విభుని కీర్తినే తలచి వేడుక తోడ
విభుని ప్రేమనే తలచి విభుని యభయమే వలచి
విభుని మోక్షమే యడుగు వేడుక తోడ
